لالّة..
ها هو جَا
يوم وجودك الأبدي
نهار لقيتْ راسي حيّْ
وما جايْب للقلب خبار
تايه قبل الوْصَال
بخيال صُدفة ملقاك
خْتاريت البحر
حيت البحر كيْهدا
على صوت حضورك
وكيهيج بنار الشوق
فغيابك
الكَاف
كُون كانّي وكُنْتُو
ومازال كنْكتشفو
الواو
فالقلب وحدة
مَسْحات الأعداد بتنهيدة
الثاء
ثوب الغرام
دفا وشفا
وحالة بين الإنسان والملائكة
الراء
روح وحدة معْجُونة
من رَبْعَة ديال الخطوات
سايقين الحياة
لجيهة الشمس
فعَزّْ الظلمة...
حبيب مولاتو ولالاه..
توفيق بوشري
ليست هناك تعليقات:
إرسال تعليق