مول الحقوطة..
آجي نكتبو الحقيقة.
كتبو الحا.. والقاف على جوج مرات بيناتهم واحد اليا وختمو
بالتاء المربوطة.
هو يدوز مول البوطة
شاف حتى عيا..
تفركع.
هوما يتأترو
قالوا:
أجي نقولو الحقيقة!
هوما يجمعو الهوا فميكة كبيرة
وملوجو شي كلام كثير
ميم
صفقوا الناس
ناض مول البوطة من النعاس
كيغوت والتا مربوطة فيديه..
واش مشفتوهاش؟
تفركعو الناس
هوما يفهموا راسهم مالين الحقيقة.
قالوا:
آجي نصاوبو شعب جديد؟
ناض الشعب
ضحك:
لا تزبوش..
فركعنا غا مول البوطة بالضحك
حمقاتو التا مربوطة
ما يكون غا مزوج شي مسخوطة
ولا قاري شي خطوطا
أو شي جنية ساكناه وبيه مزعوطة
مسكين..
فين وقفت الحقي.. الحقو.. طة؟
ليست هناك تعليقات:
إرسال تعليق